Xurado Internacional
C.W. Winter
C.W. Winter naceu en Newport Beach, California. Xunto con Anders Edström, dirixiu dúas longametraxes: The Works and Days (Berlinale: Oso de Ouro á Mellor Película na sección Encounters) e The Anchorage (Locarno: Leopardo de Ouro á Mellor Película na sección Cineastas do Presente). Actualmente é investigador en Brasenose College, Oxford. Completou o seu doutoramento (DPhil) en Práctica e Teoría da Arte na Ruskin School of Art e en Wolfson College, Oxford. Obtivo o MFA no California Institute of the Arts, onde estudou con Thom Andersen, James Benning, Monte Hellman e Allan Sekula. En 2027, comisariará unha exposición itinerante baseada nas ideas do seu próximo libro Underdetermined: A Partial History of Low Virtuosity, que comezará no MUDAM—Museo de Arte Moderno Gran Duque Jean de Luxemburgo. Os seus escritos apareceron en Cinema Scope, Balthazar, Screen Slate, Purple, Filo e Too Much. Vive en Oxford, Inglaterra.
Pascale Ramonda
Pascale Ramonda conta con máis de 20 anos de experiencia na industria cinematográfica internacional. Comezou a súa traxectoria en Lisboa da man do produtor Paulo Branco, e posteriormente traballou durante unha década como responsable de festivais en Celluloid Dreams, xestionando a circulación de máis de 200 filmes independentes premiados de autores como Takeshi Kitano, os irmáns Dardenne, François Ozon, Jafar Panahi, Naomi Kawase ou Apichatpong Weerasethakul. En 2010 fundou a súa propia empresa para apoiar títulos sen distribución internacional, conectándoos con festivais e circuítos non comerciais en todo o mundo. Entre os seus clientes atópanse novas promesas como Tatsunari Ota, Riar Rizaldi ou María Aparicio, así como cineastas consolidados como Andrés Di Tella, Sophie Letourneur, Salvatore Mereu ou Narimane Mari.
Pierre-Emmanuel Finzi
Pierre-Emmanuel Finzi é distribuidor e produtor de cinema. Fundou Filmgarten en 2016 e achega ao público austríaco unha coidada selección de filmes. Leva máis de 25 anos activo, non só na industria cinematográfica, senón tamén como crítico de arte e cinema, editor da revista francesa tausend augen e editor independente. Despois dunha etapa nas vendas internacionais (Coproduction Office) e no cinema de autor (Stadtkino), fundou e codirixiu LE STUDIO Film und Bühne, unha sala de cinema e teatro en Viena, entre 2019 e 2021. Desde 2021 encárgase das adquisicións e do desenvolvemento de proxectos na produtora austríaca Nabis Filmgroup GmbH, que estreeou The Klezmer Project na Berlinale Encounters 2023 (Mellor Primeira Longametraxe) e Animal en Locarno (Mellor Actriz). Entre os seus próximos proxectos destacan Landscape of Fear (Lukas Valenta Rinner) e as coproducións The Seasons (Maureen Fazendeiro) e Dracula (Radu Jude).
Xurado Galicia
Ana Domínguez
Creadora visual e cineasta, é fundadora e codirectora da (S8) Mostra Internacional de Cinema Periférico da Coruña. Formada en artes plásticas na Escola Mestre Mateo, A Massana (Barcelona) e a Universidade de Göttingen, traballa como directora artística e regidora de attrezzo en cine e televisión, e participa activamente no colectivo AA++, centrado na film performance.A súa primeira longametraxe, Os fillos da vide, estreouse no SEFF (Sevilla), gañou o premio ao mellor filme galego na MICE e foi proxectada en festivais como Alcances, Play-Doc, Cineuropa, Márgenes ou o Festival Internacional de Uruguai.Foi xurado en festivais como Alcances e Curtas Vila do Conde, e é secretaria e cofundadora de Proxecta – Coordinadora de Festivais de Cinema de Galicia, ademais de secretaria de Pantalla – Federación Estatal de Coordinadoras de Festivais. Actualmente desenvolve novos proxectos mentres codirixe o (S8).
Michael Wahrmann
Michael é cineasta, produtor e deseñador gráfico. Nado en Montevideo, Uruguai, medrou en Israel, viviu no Brasil durante 15 anos e actualmente reside en Donosti-San Sebastián, España. Estudou na Academia Bezalel de Xerusalén e na escola de cinema da FAAP en São Paulo. As súas curtametraxes Avós (2009), Oma (2011) e The Beast (2016), xunto coa súa longametraxe Avanti Popolo (2012), foron proxectadas en numerosos festivais de cinema, como Cannes, Berlinale ou Rotterdam, e recibiron máis de 60 premios ao longo dos anos. Como produtor, fundou Sancho Filmes no Brasil e produciu longametraxes como Los Territorios, de Iván Granovsky; Invisible, de Pablo Giorgelli; El Empleado y el Patrón, de Manolo Zas Nieto; e Los Delincuentes, de Rodrigo Moreno, entre outros. O seu estudo, MishaWisha, está especializado no deseño de carteis e na creación de tráilers para o cinema independente.
Silvia Fuentes
Produtora cinematográfica, desde Sétima impulsou proxectos como Filmei paxaros voando de Zeltia Outeriño (Mención especial en L’Alternativa e Mestre Mateo 2025), Habitar de Ángeles Fazáns (Premio MICE) ou Cando toco un animal de Ángel Filgueira (D’A Film Festival). Actualmente atópase en fase de postprodución con As liñas discontinuas de Anxos Fazáns e na produción de A morte nos teus ollos de Guillermo de Oliveira (Premio MIA Market 2024), á vez que desenvolve novos proxectos con cineastas como Álvaro Gago, Javier Ferreiro e Ángel Filgueira. Foi directora de produción en As neves de Sonia Méndez e Gosa Poder de Isaki Lacuesta, e xefa de produción en O Corno de Jaione Camborda, Matria, primeira longametraxe de Álvaro Gago, e Nación de Margarita Ledo.