CINEMA-ARTE INTERSECCIÓNS
Salga de prensa. Teatro Municipal de Tui.
Domingo 8 de maio – 17:00 h.
Entrada de balde ata completar aforo.
Xunto cos vídeo artistas participantes no proxecto de intervención audiovisual do espazo urbano ‘Cinema Percorridos III_ Coreografías’, analizaremos derívalas do traballo cinematográfico máis aló das pantallas. As novas linguaxes e narrativas audiovisuais que son exploradas por creadores, creadoras e cineastas que expanden os seus límites. Nesta ocasión, falaremos da unión entre o ao vivo cinema (cinema en directo) e a danza contemporánea, unha maridaxe entre estas dúas formas expresivas que unidas dan lugar a unha arte nova, ‘ Coreocinema’
Participarán: Marta Valverde, artista visual, Carolina Fernández artista visual e escénica, dramaturga e bailarina. Judith Adataberna, cineasta experimental e fotógrafa, Mercé de Rande, coreógrafa e bailarina. Echo Higuchi, performer, deseñadora, bailarina de lume e artista de circo, e Joao Beira, artista visual, especialista en instalacións inmersivas.
MESA PROXECTA: CONVERSA ABERTA FESTIVAIS DE CINEMA DE GALICIA.
Sala de prensa. Teatro Municipal de Tui.
Sábado 7 de maio – 17:30 h.
Entrada de balde ata completar aforo.
Querámoslo ou non, a pandemia supuxo un duro golpe para os eventos culturais presenciais, pero, para os seus organizadores tamén serviu como unha oportunidade para pararse e reflexionar sobre os modelos de relación cos seus públicos.
Neste encontro, que está plantaeado como unha conversa aberta, contaremos con representantes dalgúns dos principais festivais de cinema de Galicia. A idea é compartir experiencias e reflexionar sobre os novos retos aos que se enfrontan estes eventos para fortalecer, ampliar ou reconectar coas súas audiencias.
Un encontro organizado en colaboración con PROXECTA, Coordinadora Galega de Festivais de Cinema.
ENCONTRO CON CREA:
Cinema galego, entre a ficción e a non ficción
Sala de prensa. Teatro Municipal de Tui.
Venres 6 de maio – 19:30 h.
Entrada de balde ata completar aforo.
CREA, a Asociación Galega de profesionais da dirección e realización, convídanos a un encontro con cineastas galegos presentes no festival.
Hai unha gran diversidade de propostas na selección galega de filmes desta edición, moitas delas transitan entre a ficción e a non ficción, ou naquilo que moitos chaman hibridación… Neste encontro aberto ao público queremos coñecer como estes creadores e creadoras se senten traballando nun ou outro campo. Que diferenzas atopan á hora de abordar os seus proxectos, ou de que ferramentas narrativas e linguaxes válense para cruzar dun a outro lado?
.
