Aysha é una nova e enérxica voz que emerxe con forza en Oriente Medio. A poesía e a creatividade son as súas armas para cambiar una sociedade expectante trala primavera árabe.

Contacto
foncortizo@gmail.com

Hai máis neuronas nun cerebro humano ca partículas no universo. Pero se as puxésemos unha trala outra, se intentásemos ordenalas dende o noso nacemento ata o día de hoxe, o único que veriamos sería un pequeno río. Un río insignificante e ao mesmo tempo infinito. Baixo as rúas da Coruña hai un río que moitos non lembran, pero que de cando en vez se desborda reclamando o que unha vez foi o seu curso. Esquece Monelos é máis ca unha película sobre ese río, hoxe convertido en sumidoiro. É unha película sobre as nosas propias correntes subterráneas.

Contacto
marta@dangadanga.com

O 2 de xuño de 1978, 45 presos do cárcere Modelo de Barcelona levaron a cabo unha das maiores fugas dunha prisión na historia de España. Casi 40 anos máis tarde, José Antúnez Becerra, un dos principais artífices da fuga, lembra o acontecido como un feito que, sen dúbida, marcaría a súa vida para sempre.

Contacto
lafuga45@gmail.com

A busca da lenda de Manuel Blanco Romasanta, o lobishome, da man de catro novos cineastas que repiten a súa ruta nun percorrido nocturno por pobos e bosques galegos. Miran no invisible, aí onde perdura o paso do tempo, na noite actual, buscando unha pantasma pasada e perdida.

Contacto
distribucion@ecam.es

O interior da terra convértese en refuxio fronte á ameaza que se achega á illa. Os tubos volcánicos actúan como vasos comunicantes entre espazos e tempos. Neles experiméntase a resistencia.

Contacto
helenagiron@gmail.com

En novembro de 2014, o cociñeiro do Grove Javier Olleros vese na obriga de pechar o seu prestixioso restaurante “Culler de Pau”, posuidor dunha estrela Michelin. Unha situación incontrolable que o destinaba á ruína, ata que Javier decide darlle a volta e converter o seu proxecto na realización do seu soño profesional. Un filme sobre a superación da adversidade, a familia e a cociña como redención.

Contacto
info@zinqin.com

Quiasma é unha peza de cinema-danza que recolle o proceso de investigación e creación coreográfica de Javier Martín para a súa obra La exforma, estreada en Setembro de 2016 no Teatro Colón de A Coruña. Filmada en celuloide branco e negro de 16mm, Quiasma sitúase na encrucillada entre as artes vivas e as artes visuais, nun ámbito de investigación colectiva ao redor das artes do movemento.

No acto de apertura teremos a sorte de contar coa participación en directo do seu protagonista. O artista contemporáneo Javier Martín presentará a súa coreografía Commutatio, coa música que lle regalou o mestre Oleg Karavaichuk.

Contacto
tonomejuto@gmail.com

A tradición e o espectáculo lévanos a ser testemuñas da relación corpo a corpo do home e o animal nun contexto de loita.

| Filme en preestrea

Contacto
jaione@esnatu.com

Unha paisaxe deserta, cuberta de neve. Un lugar e época indeterminados. Un home anónimo, atemporal, escorrega cara ao interior dun devastado edificio industrial. Está atrapado entre ruínas e ferruxe, testemuñas do paso do tempo. Avanza entre sombras e refugallos, seguindo un ritual tan preciso como críptico. Polifonía de materiais. O pasado resoa a cada paso. Ecos dunha presenza. Unha figura solitaria flota no abismo.

Contacto
eloydseren@gmail.com

Ser Luz amosa unha aproximación en imax á obra do fotógrafo galego Manuel Vilariño (Premio Nacional de fotografía en 2008) a través dalgúns dos principais motivos presentes na súa extensa produción: a mirada animal, os límites do observable, a imaxe do mar ou do lume… e incluso a mención aos escritos e á biografía do poeta José Ángel Valente.

Contacto
madeleineproducciones@gmail.com

Una vez fuimos salvajes é unha conversa imaxinada entre a autora e o barrio de San Cristóbal, situado nos arrabaldes de Madrid. É un xogo constante entre formas e fondo, que enfronta os prexuízos da narradora coas emocións do espectador que a acompaña; un percorrido libre e suxerente que abandona de xeito progresivo o documental clásico e transfórmase nun ensaio en primeira persoa.

Contacto
natalia@playtimeaudiovisuales.com

Nunha antiga caixa de puros habanos hai numerosos textos en papeis vellos. Moitos deles detrás de papeletas franquistas. Son do avó do director. Deullos a súa nai, ela xa os transcribira ao computador.O director reavívaos. Comeza a preguntar por estes textos e as lembranzas que os rodean. Pero hai partes do pasado que xa non se poden retratar.

Contacto
santiagodrisco@gmail.com