Benvidos a esta nova edición de Play-Doc!
Con dedicación e esmero elaboramos esta programación a partir de dúas ideas fundamentais: a paisaxe e o cinema autobiográfico.
Por dispares que poidan parecer a primeira vista, ambas tendencias convídannos a explorar as cuestións esenciais da existencia humana -cuestións filosóficas, sociais, políticas, psicolóxicas ou metafísicas-. As dúas funcionan como sinécdoques nun e outro sentido: a vida dun individuo como representativa de toda a humanidade, e a paisaxe como ente macro-cósmico que reflicte ese microcosmos que é o home. En ambas as dúas atopamos un desesperado afán por desentrañar os misterios do universo, e un inextinguible desexo de transcender.
A vida e a morte, a dor e a éxtase, o fugaz e o eterno, a incrible capacidade de supervivencia e a incansable procura da felicidade; a Natureza que emerxe maxestuosa e temible, conmovedoramente fermosa e desoladora, para lembrarnos que somos e que lugar ocupamos no planeta.
Esperamos, como sempre, que vos guste.
Play-Doc